بزانن حکومەتی ماوەبەسەرچوو، چۆن خەڵک دەڕوتێنێتەوە.؟

بزانن حکومەتی ماوەبەسەرچوو، چۆن خەڵک دەڕوتێنێتەوە.؟ ئوسامە جەمیل نرخی تازەی کارەبا حکومەتی ماوەبەسەرچووی هەرێم، لەڕێی گرانکردنی نرخی کارەبا، پلانێکی تازەی گرتۆتەبەر بۆ ڕووتاندنەوەی هاوڵاتی، سەرەتا لەستییەکان دەستپێکردووە، بەفێڵی کردنی کارەبای نیشتمانی بەبیست و چوار کاتژمێر، موەلیدەکانیان هەڵگرتووەو لەڕێی کۆمپانیای خزمەتگوزاری ستییەکە بەخەڵکیان ڕاگەیاند مژدەتان دەدەینێ و ئیدی موەلیدە نەماو کارەبای نیشتمانی بوو بەبیست و چوار کاتژمێر! بەڵام سەیریکە ڕووتاندنەوەکە لەکوێیە، پێش ئەم هەنگاوە نرخی یەک کیلۆوات کارەبا هەژدە دیناربوو، ئێستا کردوویانەتە سەت و حەفتاو پێنج دینار، ڕەنگە وەزارەتی کارەبا بڵێ سەت و حەفتاو پێنج دینار نییەو سەت و پەنجاو شەشە، بەڵام بۆی دەسەلمێنم کەسەت و حەفتاو پێنجە، چونکە کاتێک کارتێکی پەنجا هەزار دیناری دەکڕی، کەلە وەسڵەکە وانووسراوە، کارمەندەکەی خزمەتگوزاری پەنجاو شەش هەزار دینارت لێدەستێنی، کەپێی دەڵێی ئەو شەش هەزارە چییە؟ دەڵێ دائیرەی کارەبا وتوویەتی لەهەر کارتێکی پەنجا هەزار دیناری، شەش هەزار دینار زیادە بۆخۆتان وەرگرن، واتە حکومەت موچەی کارمەندەکەشی خستۆتە سەر خەڵک و کۆمپانیای خزمەتگوزاریش بێئەوەی موەلیدە داگیرسینێ، مانگانە چەندین دەفتەر دۆلاری خێرە لەستییەکی هەزار، هەزارو پێنجسەت خانوودا، دیقەت بدەو ببینە چۆن حکومەتی ماوەبەسەرچوو دەقات کارەبای لەسەرگرانکردووی، زۆربەی ئەوانەی بینیومن دەڵێن کارتی پەنجا هەزار دیناری خۆی بکوژی لەچوار ڕۆژ تێناپەڕی، مانگێک دابەشی چواربکە، دەکاتە حەوت کارت، جارانی پەنجاو شەش هەزار دیناری بکەو ببینە حکومەتی ماوەبەسەرچوو چۆن هاوڵاتی خۆی دەڕوتێنێتەوە، داوادەکەم خەڵک بێدەنگ نەبێ و ئەم پیلانە ڕەفزکاتەوە، دڵنیابن قۆناغی یەکەم ستییکانە، ئەگەر سەریگرت، ئەوا بەسەر هەموو گەڕەکەکانیدی جێبەجێدەکەن، لەکوێی دنیابووە حکومەتی خۆت بتڕوتێنتەوەو دە قات نرخی کارەبات لەسەر زیادبکات!